عدد الضغطات  : 265


العودة   منتديات أبناء ليبيا > أقسام المجتمــع الليبـي > منتــدى التراث
منتــدى التراث ( كل ما يحمل بصمة الاصالة والتراث الليبي .. هنا )

موضوع مغلق
 
أدوات الموضوع انواع عرض الموضوع
  #1  
قديم 11-15-2009, 01:32 PM

معلومات العضو

الخواطر
أصدقاء المنتـدى
 
الصورة الرمزية الخواطر

إحصائيات العضو






طــــاســــة شــــــاهـــــــي

ليس الشاهي مشروبا ساحنا يقدم فحسب ولكن الجلسة حول عالة الشاهي والحوار الذي يدور فى تلك الجلسة وتصاعد البخار من ابريق الشاهي على الفحم وصوت انسكاب الشاهي فى (( الطاسة )) ومن يقوم بأعداد الشاهي ويقدمه لك مع ابتسامة جميلة وكلمة ساحرة كل تلك الاشياء لها وقعها الجميل وتأثيرها الساحر فى الانسان ولهذا كانت بعض جلسات الشاهي جزاء من ذاكرة الانسان حملت أجمل الدكريات التى تبقى راسخة مدى الحياة ولهذا قال الشاعر المرحوم على الاحمر قصيدة فى هذا الشأن وهي


ياطاسة الشاهي اللي مقيومة
شربناك من لباس غالى سومه
شربناك وان عشية
من يد مولاة الخدود نقية
ميعاد فيه الود والحنية
يجلي على القلب الحزين همومه
طاسة حمره
تبوخ على مركاب والع جمره
طاسة خيرة
من يد مولاة العيون كبيرة
اللي وصفها بين العبادة أميره
جميلة وبيضا وعلى العصر مفطومة
وحنا بيتنا على الحب مبني ساسه
والضيف ديما نفرحو بقدومه

____________________________


توقيع : الخواطر
قديم 11-15-2009, 06:52 PM   رقم المشاركة : 2
معلومات العضو
أمل قريب
أصدقاء المنتـدى
 
الصورة الرمزية أمل قريب

إحصائيات العضو






أمل قريب غير متواجد حالياً

االه شوقتنا لطاسة شاهي مع كل الأحباب الغابيين ..والحاضريين وتكون الاخيرة باللوز ياسلام ليتها ترجع ايام زمان





 

 

 


 
قديم 11-16-2009, 10:33 AM   رقم المشاركة : 3
معلومات العضو
الخواطر
أصدقاء المنتـدى
 
الصورة الرمزية الخواطر

إحصائيات العضو






الخواطر غير متواجد حالياً

امل
اولا / بارك الله فيك على مرورك الكريم على مشاركتى
اما طاسة الشاهى اللى نعرفها أنا وللى كانت زمان الناس ادير فيها وحتى اليوم هناك ناس مازلت ادير فى طاسة الشاهى على الخطب دون البياض ( الفحم ) ونزيدك من البيت شعر هابا لو هى طاسة شاهى خضراء وقبل ماتحطيها على النار حطي حبه لوبان حلو فى البراد وشوفى طعمة الشاهى كيف يكون





 

 

 




توقيع : الخواطر
 
قديم 11-17-2009, 03:38 AM   رقم المشاركة : 4

ماعمري ذقتها باللوبان ،، بس أكيد حانجربوها

شكراً لكِ





 

 

 




توقيع : الحسناء
هي ساعات يضمها يوم ، ويوم ، ويوم
وهي حياة ، تمضي بين تلك اللحظات
فلنجلعها أيام عامرة بالفرح والأمل
 
قديم 11-17-2009, 09:38 AM   رقم المشاركة : 5
معلومات العضو
أمل قريب
أصدقاء المنتـدى
 
الصورة الرمزية أمل قريب

إحصائيات العضو






أمل قريب غير متواجد حالياً

ما سموها العالة إلا لأنها تجمع العيلة مش هكي ؟ لكن هيا وينها العيلة اللي مسافر و اللي رحل عالدنيا واللي بدي وين يشوفها يموت من الضحك قالك معاش مواكبة التطور.. لكن أكيدرح نجربها باللوبان ... بالنسبة لينا في حوشنا لينا وقت عليها العالة لكن اهو الشتا جت ومحلاها مع جو الشتا ..يحبو يكرهو بنطيبلهم شاهي بالعالة... قريت لامي أبيات الشهر قالت الله ياريت ترجع أيام زمان كنا وين حد يحط العالة تلقى كل حد عنده شي في الحوش يجيبه خبزة فرن كعك حلو وإلا مالح ونشربو ونهدرزو ويعدي يومنابفرحة وبسمة هات توا لوحي علينا ديرو خفيف ياسر لين كل شي خف في الناس عقلهم محبتهم في بعض غيرتهم لبعض كلامها صحيح و اإلا لا؟





 

 

 


 
قديم 11-17-2009, 01:22 PM   رقم المشاركة : 6
معلومات العضو
الخواطر
أصدقاء المنتـدى
 
الصورة الرمزية الخواطر

إحصائيات العضو






الخواطر غير متواجد حالياً

امل قريب
بصراحة ابدعتى وكلامك هذا كله صح خلاص ماعاش تلقى حد يجيب العالة ويدير الشاهى ولكن اود ان اقول لك نحن فى مصراتة مزالت عاله الشاهى عندنا مستمرة فى المناسبات وغير المناسبات ضروري فى طاسة شاهى فى الصبح والظهر وفى العشية مع كاكاوية او لوز ام انا على نفسي نحب طاسه الشاهى على الفحم او الخطب .... الله الله الله لم تبقى معها خبزة تنور ساحنة ( ويكون التنور مبنى بالطين مو التنور اللى توه ههههه ههههه
المهم نرجعوا الى صلب الموضوع
طاسة الشاهى كانت لها دور كبير فى حيات هلنا زمان لم الواحد تعزمة على طاسة شاهى كانك عزمته على عشاء او غداء
وهذا الحديث يجرنا الى عدة اشياء نسيناها منها خبزة الجمر والمترودة وعدة أكلات شعبية كانت تضم العيله وسؤالنا هل نحن تغيرانا ام الوقت الدى تغير ؟؟؟؟ سؤال يطرح نفسه بالحاح ويريد اجابة !!!
امل
نحن نعلم جيدا ان مظاهر الحياة هى التى غيرتنا واصبحت اسرع من قبل فالكثير منا ابتعد على تلك العادات
الله الله
امي الحنونة الغالية مصيونة
فى وسط قلبي فوق كل أحباب
جت احذايا قمعزت يالايا
وبرادها حطت على المركاب
______________________________
امل
وين للمة العيلة على اسبوع المولود واطهارة الطفل الله الله راحت كلها ، اليوم فى اسبوع المولود يمشي الاب ويجيب الخروف جاهز من السلخانة لاهناك للمة ولاشي اما الطهارة ( الختان )) كان الناس يديروا فى حفلة لمدة اسبوع كامل من السبت الى الجمعة والاحباب الاهل والجيران كانو كلهم متوجدين وفرحنين ها الوقت مفيش شي من هذا كله ، حتى اعراسنا اصبحت بدون طعمة كل شي جاهز من السوق والتقليد الغربي اصبح كل شي فى اعراسنا
زمان كان العرس الليبي شي ثانى يضرب به المثل فى الوطن العربي كان مهرجان وعرس فى نفس الوقت كانت الناس تساعد فى بعضها كل واحد يجيب شى من عنده حتى الخيام والاوانى وغيرها من الاشياء المهمه لاقامة العرس كان التعاون والوقوف مع بعضهم فى السراء والضراء راحت ايام زمان يا أمل وياريت تعود
اختى امل قريب للحديث بقيـــــه انشاء الله

مشكورة وبارك الله فيك





 

 

 




توقيع : الخواطر
 
قديم 11-18-2009, 09:33 AM   رقم المشاركة : 7
معلومات العضو
أمل قريب
أصدقاء المنتـدى
 
الصورة الرمزية أمل قريب

إحصائيات العضو






أمل قريب غير متواجد حالياً

بالجودة يا أهل مصراتة لكن يا الخواطر مستحيل الزمن يتغير أكيد التغير فينا هذا صار دكتور و بنتي ولت محامية وعيلتنا كلها متعلمين والكل يشتغل في أحسن المراكز ...في نظرهم العلم يطور الأنسان حتى علي عاداته قلة قليلة من تلقاه قاعد متمسك بالامور هذي..لذلك العرس ولى فالصالة معاش فالحوش ومبهى البنت أو الشاب يزفوهم من بيت اهلهم مش من بيت غريب ...الأسبوع كانت المعزومة وين يجي تلقاها تتحرك وتقضي كل شي وكأن الحوش حوشها لكن توا تجي وتقعمز وتنبلى مولات المول بكل شي لذلك نهار واحد أسبوع ويقولو هلبة ...تو الحوش تأتت باحلى الأثاث و أغلاها فلذلك ما نبي حد يجي لأن كله بيفسد وبيتمسخ (عذرا علي هالكلمة)لذلك الجيران معاد يجو ولا الأحباب...بدينا غير نتحصرو علي أيام زمان والله أمي مرات وين تحكي علي أيامهم تخنقها العبرة و عيونها يدمعو فهمت شن معنى كلمة الأشتياق منها ...وإلا الحكايات والخرافات وين يليل الليل وتبدى السهرية يا الله يا الله ما قداش نتمنى نكون من ايام زمان وين كان كل حد يحس الثاني ووده بكل عزيز وغالي ...تصدق أنا خنقتني العيرة





 

 

 




توقيع : أمل قريب
[فقط الأعضاء المسجلين يمكنهم مشاهدة الروابط. إضغط هنا للتسجيل...]
 
قديم 11-18-2009, 10:42 AM   رقم المشاركة : 8
معلومات العضو
الخواطر
أصدقاء المنتـدى
 
الصورة الرمزية الخواطر

إحصائيات العضو






الخواطر غير متواجد حالياً

امل قريب
لا تخنقك عبرة ولا تسيل دمعه فاسمك امل قريب ........
مشكورة وبارك الله فيك على توضيحك المتميز جدا
اختى العزيزة
فعلا انا معاك فى كل كملة سطرها قلمك وفاضا بها قلبك فالعادات قد تغيرت والتطور هو الدي غيرنا فا كل بيت من بيوتنا اصبح التغير فيه واضح الكل يريد الساهل والمريح ، وانا معك بأن العلم يطور الانسان فى ماهو مفيد وله ايجابية على حياتنا وكلنا متعلمين والحمد لله فانا مهندس ولكن تعليمنا زمان وحرصنا على التعلم والاستفادة كان اقوي بكثير من يومنا هذا
واود ان اضيف شي وهو ان بعض العادات مزالت مستمرة عند اهل الجنوب وبعض المدن المنطقة الشرقية والغربية فى بلادنا
فأهل الجنوب مستمرين بعادتهم فالمدة الماضية سافرت للحضور عرس فى مدينة سبها وشاهدت شي جميل يلف النظر ويمل القلب بالفرح والبهجة وهو ( مازل يستعملون الكرمود كما نسميه نحن فى الساحل اما هم يسمةنه (( الباسور )) اي العروس تجي الى حوشه على ظهر الجمل والتزغريد والكشك خلفها بصراحة منظر فى غاية الابداع تتصوري السياح ينظرون بلهف على هذا المنظر لقد ابدعوا فى ذلك ومازلوا متمسكين بعادتهم اي نحن الان منهم
اختى امل
الحديث يطول وله عدة فروع واذا تعمقنا فيه نجد انفسنا فى موضوع اخر بنفس المعنى
تحياتى لك والى الام الفاضلة





 

 

 




توقيع : الخواطر
 
قديم 11-19-2009, 09:26 AM   رقم المشاركة : 9
معلومات العضو
أمل قريب
أصدقاء المنتـدى
 
الصورة الرمزية أمل قريب

إحصائيات العضو






أمل قريب غير متواجد حالياً

كلنا أمل قريب نرجعو كيف زمان نطورو من نفسنا بس نحافظو علي عاداتنا ...واللي يعزي أن أهلنا في بعض المناطق ماستغنوش علي هالعادات الحلوة ....تمنيت من أعضاء المنتدى يشاركونا بالرأي لان موضوعك يستاهل...بس ما في حد شكله يشرب فالشاهي بالعالة عموما شكرا عالموضوع وهذه هدية بسيطة ليك أخي الخواطر..

البراد يبكي وطاسته تشكيله
والسخان من صهد الجحيم حليله
البراد يبكى والمروحة ضرباته
جوه الطواسى يمسحو دمعاته

دمت في حفظ الله ورعايته دوما





 

 

 




توقيع : أمل قريب
[فقط الأعضاء المسجلين يمكنهم مشاهدة الروابط. إضغط هنا للتسجيل...]
 
قديم 11-19-2009, 09:01 PM   رقم المشاركة : 10
معلومات العضو
بنت العبيدات
مراقبة سابقة
 
الصورة الرمزية بنت العبيدات

إحصائيات العضو






بنت العبيدات غير متواجد حالياً

شكراً لكِ





 

 

 


 
موضوع مغلق

الكلمات الدلالية (Tags)
شــــــاهـــــــي, طــــاســــة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:26 AM.


Powered by vBulletin Version 3.8.7
Copyright ©2000 - 2014, Jelsoft Enterprises Ltd
شبكـة أبنـاء ليبيا