حيد عالبياد ودونك *** ومنين ماتصيغ ياعزيز أعيونك *** معاي شيلهن
حيد عالبياد وهمد=أنظارك معاي اللي عليك وكمد
وزيط في ماعندك عليش تغمد=وقاري أتقول النقص في مكنونك
وأنكان أنت في بهالخبر متعمد=وماني خزيتة كبد في مخزونك
أسا عاد جروحي ياعزيز أنضمد=ونطلق أذياب النقص في غيدونك
حيد عالبياد ودونك
عالبياد وشيل=أنظارك وهمد ياعزيز وقيل
اللي مالعيون الخاشعات ذليل=ومايحمل شيل جفون كيف جفونك
مع هذين ماتنفع فراسة خيل=حتى لوبعد توحل تعض أسنونك
ولاعاد يفكك جري لاتدخيل=عزيمتك أقرب من هالفراش تخونك
وأحسب حسابك في سمورالليل=هناك وينما يقوى لهب كانونك
وأحسب حساب النقص وافي الكيل=وتومج على خونة عزيز يخونك
واحذا كل حد تبقى تريد تشيل=الصوت عالفراق وتجبده شكبونك
حيد عالبياد ودونك
عالبياد ولج=أنظارك وشيل معاي قشع ومج
وتعال وأنت تطوي في خصارك طْج=اللي عطاك من عين الحسود يصونك
ياللي على الشمس وين تحج=يهوب غلاك نغدي في غليونك
دموعي ونا ساكت اللي تنقج=أحسبهن إن صارالنقص شور ديونك
وأن جيتك نطالب وين تريد تهج=وأيش عاد تريد تمد في عربونك
حيد عالبياد ودونك
حيد عالبياد المازي=وأطلق معاي النار ماني هازي
وحقك على أنكان جيت أتوازي=ندلك على اللي مي قدا لبيونك
ياك يانحيف أسا تحل الغازي=ويحيد حزن من عيني غلاك وجونك
وإن كان في غراضك تعكره لمجازي=وتصفط علي الحجر يرقد عونك
أسا نجي لقولة ياعيون الجازي=أمغيرعين لطاتك علي مكيونك
ومانك وجوه حرار يامركازي=أسعدك زين في بومك وفي طرشونك
حيد عالبياد ودونك
عالبياد التايق=اللي لو تهمت فيه فيك عوايق
بعيد وأنت تسمع فالفؤاد مزايق=واللوم والعتب يبقن على مقرونك
ولاعاد يفكك قول ماني عايق=وحلفك وحط أيدك علي ضبونك
وحني عليك يغدي وأنجي سايق=وأيش عاد يفكك من دعاء قزونك
تريد تحسده ذوقة مذاق الذايق=رعاية نحل عقله علي حنونك
ويدعي عليك وتريد ترقد رايق=رقده أصحاب الكهف كان ظنونك
هذا حد ماجابن هناك حقايق=تبان وين ماردن عليك طيونك
حيد عالبياد ودونك
حيد عالبياد وشوَق=وكي تنظراعالموت تاوق روق
الخاطر اللي ديما غلاه أمسوق=وصارت وطاح بسهو في كانونك
ذوق مالغلا يافصعوان وذوق=وعطني صحيح أدعوه كيف نخونك
الا مفيت عيني ياعزيز أتعوق=اللي قعدت ترجا في ينع عرجونك
حيد عالبياد ودونك
المصدر : الشاعر سعد بوخويدم
العرض العادي
