#1  
قديم 12-12-2010, 01:11 PM

معلومات العضو

الأهلي بنغازي
نجـم نشيط

إحصائيات العضو






شتاوي وعلم عالعين والعقل والبكا

العين وفراغ العقل ملاهن عزيز كلهن

العقل يا ابعاد الدار ****يمسى معاي ويبات عندكم

الدمع ما ايجلى الياس****ايزيدكن ارياف وتنعمن

مازلت ياعزيز عزيز ****ع العقل غير الاوقات يظلمن

خزين دمعنا يا عين **** ممسوك غير في قوله أقدم

عقلي من نيرانك قاسي ... حتي لو تنسى مو ناسي

غناوي علم وشتاوات ع العقل .. واللي عنده ايشاركنا



......................





العقل وين عابو فيــــــه ... ضحك وقال يالعين سامحي



العقل مو ربيع يصيــــف ... أن غابوا يلاقي غيرهــــــــم



مرا يف عليك العقــــــل ... ايريد غير يالعين يلحظــــــك



عليه ياعزيز غـــــــــلاك ... العقل تاب و العين نايضــــــة



مسافر معاك العقــــــل ... رفيق ياعزيز لانتركــــــــــــــا



العقل لو يطول عزيـــــز ... يزهي بلا مال ســـــــــــــاده



العقل مو خفيف يـــروج ... ثقيل كيف ميزان الذهــــــــب



خليت ياعزيز العقــــــل ... دقداق ما جبارة تلائمــــــــــة



صعيبه عليه العقــــــل ... ينسا ناس روحه عندهــــــــم



لا يغفل لاينســــــــــاك ... العقل يا علم دوم جابـــــــدك



العقل يلي عليه بعيـــد ... حتا وانت جافيه تشغــــــــــلا



العقل ما عليك ايغفـــل ... قليل خير كان هو دارهــــــــا



حتي لو اعزاز انكــــرو ... نحلف عليه عقلي عندهـــــم



علي العقل هالبين اعـزاز ... قباله خذوه او ماالهــــــــم



داباين عندى عقـــــــــــــل ... نسوت قديم ما انديرهـــــا



العقل بين سنادين ... للناس يالي اتجو اتساولو



حتى لو اعزاز انكروا ...نحلف عليه عقلي عندهم



هنيه اتبات العين ان كان صوب لولاف كملت

يا العين نا وياك لنا الله ما دام ما قسم

العين حالمه منام تفسير زها عمر مو ناظره

فرقاهم اعزاز صحيح ياالعين مو منامات خترفه

اصحاب الغلا يا العين نصيب غيرنا فيهم قوى

اللى يقولك يا عين انسى عزيز مو صاحب عدو

ان تهايا تسيل العين صبرها كملت

انتى ضاله يا العين بعد ثمان ياسات طامعه

بكت العين قال العقل انحنا قلال والى كلنا

تخطيرى لهم يا العين تهوين مو غلا فى بكيتك

تدير عيبها عالعين وتقول هى اللى حاست على

ترجى العين خامس ياس ترقيع فى غلا بايد لها

تريدك العين ربيع تزها بك طول عمرها

خليت يا العزيز العين غريبه مع واشونها

خلك من كلام الناس مع عزيز يا العين والفى

شاوي عليك الدمع ولا عزيز يا العين ناسيه

شدى عزايمك ياالعين يفنى العمر يابال الغلا

طعمه عمرنا ياالعين هلبت فى مرجاتنا لهم

ع العين خاطره وسمرت سهرايه غلانا لولى

عازيت ما نريد العين ترتزى فيه وارتزت

عزيز جا اصداف العين رعشت ما حوتك هدت

عزيز يا العين وراح اقضي العمر موجي بعلتك

عليهم شوي ياالعين بكيه اليوم والعام والشهر

العين فى ديار عزيز تندب تقول خلينى شوي

العين ما تريد دليل ادودش غلاها بيدها

فزع العين غير ادموع على عزيز ما يوم طالبت

مازال واجعك يا العين فرقاهم اللى ماله سبب

ما من اللى يا عين قاطع لواك خاطي غيبته

نا والعين شقانا زايد ****ترقيع البايد بل البايد

هداهدود الي خبرها ****جاب نبا العزيز قهرها

صباره عيني ما اسمحها****حتى كان عزيز جرحها

عينى سالت يوم خطاهم****وانعميت ساعة فرقاهم
ياعيني عا الدار حلفتي****لكن جروك وخالفتي



العقل ما ينام الليل****سطير جرج لولاف سمره

كان خطر ماني قايل لك****ابكى نين اتفشي غلك

عينى كيف الثوب البايد**** تهفى ع اللولاف بزايد

ما اتقولوش العين حنونه ****خاينها وادافع دونه

انتى سبايبه ياعين ****غلا عزيز لو لاك ما رسم

على راياتك نتبع فيك مشيت وجبت اللي مشقيك
ياعيني اقطع راياتك.... رهنتي ع الغياب حياتك
عندي عين شكا ماتشكي.... لكن وين اترايف تبكي
اللي جلو نومك ياعين.... غوالي لكن مرهونين
ياعيني خلوك بطولك ..... عدوا مابوش ايقولولك
الله غالب ياعين عليك ..... خدوا ريدك من بين ايديك
وينك يالغالي عالعين .... غيابك مر علينا شين ..
كامى عبرتهم فى سري..... نا نجحد والعين اتوري
غناوي علم وشتاوات ع البكا و الدمع...
بكيت يا قديم عليــــــك ... بكيت اسنين لا يوم اولا شهر
الناهى انهل امعـــــى ... القى وجيعتى مى ساهله
بكيت يا عزيز عليــــــك ... رقيت عزم قسمى قيسنى
ابكاك ما ايجب عزيز ... خوذى اوتاك يا عين ورحلى
تظايق انكان اسكتت ... ونكانهى بكت مى باده
تدميع مو دوا مليوع .. اقطع ابكاك ياعين موبكا
انظر العين ترجا فيش .... تعاقب الليل او ما بكت
الدار او عزيــــــــز او نا ... اجرك عظيم يا باكيلهن
اللى افزعه غير ادموع ... مالفايظ انجينى انسلفه
اطريها عزيز اهذلـــــت ... الها زمان عينى ما بكت
نطريلك اللى غيـــــاب ... وانتى عليك يا عين البكــــا
ما اسمعك لا امخلوق ... حيلاً ابكاك يا عين فالخلا
انكانك اتريدى لجــــــر ... قولى قديم و ابكيلى اشوى
امعى يا ارقاق العـــزم ... يقسم قديم قولن يالله
.........................
وزيدو اللي عندكم .....
رد مع اقتباس
إضافة رد

الكلمات الدلالية (Tags)
شتاوي, عالعين, والبكا, والعقل, وظلم

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:13 PM.


Powered by vBulletin Version 3.8.7
Copyright ©2000 - 2014, Jelsoft Enterprises Ltd
شبكـة أبنـاء ليبيا