مالي افدا تلقيه *** دلّللتك دلال كبير بوزعتيه
أنت الخاسرة
ومن هو الّلي دريته غالي ثاني *** من هو الّلي يفداني
ومن هو الّلي واطي غلاي وشاني *** في نظرك ياريدي الّلي تبّيه
ومن هو الّلي واخذ اليوم مكاني *** ومن هو الّلي مطراحي ماليه
نريد نعرفه لأيّن خلايق داني *** ومن أين جلاوي ياعلم جبيتيه
وكنّك تقولي مابشر غالاني *** من غيرك عليش العقل عوّزتيه
ونا ويش داير شنو اللي شوّاني *** وشوّى الغلا للياس خلّيتيه
خطاك هو الّلي هيّض اليوم مكاني *** وعطيب العرب م الناس سميّته
فيا ونا مو هذا شي حسابني *** حاسب حسابك ما خطا تاطيه
وبقى نين يعجز ع الكلام لساني *** بفعلك الّلي درتيه لكّنتيه
ونا قبل نرضخ تحت نار حناني *** وجميع ماتريدي ف الحياة نلبّيه
اساع تندمي بكرة ونا بركاني *** ينوض نين ماتلقي منين اتجيه
ونقولك بلاك وبيك باني باني *** بيتي الّلي بالزور طيّحتيه
ماله افدا يا شوعـــــــــــــــة *** الخاطر الّلي درتي لحوم ضلوعه
نارك الّلي يمسي عليه يوعى *** وجرحك الّلي بيها تدواي فيه
وحامل علي شانك امرار الّلوعة *** والّلي تقهره وترضيبها ترضيه
حطّيتي من ايدك في يد ياس اصروعه *** عنك بعيد صحيح موّحتيه
بلا أسباب شطّبتي علي موضوعه *** علي قلب غافل غر فاجيتيه
حتى إن كان كابر سايلات دموعه *** علي ماجحد هيّص خطاك عليه
والّلي دردراته دايرك مشروعه *** ويحسابك علي واجد غرض تغنيه
وفىّ معاك في أياما اتجي في طوعه *** ووين ماتحطّي خاطري تلقيه
مغير ويش تبّي يعيّشك دلوعة *** علي ارضاك يجني في غضب ولديه
العرض العادي
